Te mau fa’anahora’a ture
Te mā’itira’a i te ti’ara’a i mua i te ture o te hō’ē īa o te mau fa’aotira’a faufa’a roa a'e, no te mea tei ni'a te reira i te mau tuha’a e rave rahi mai te tu’ura’a moni, te tute, te fa’aterera’a, e te vai atu ra.
Te mā’itira’a i te ti’ara’a i mua i te ture, o te hō’ē īa o te mau fa’aotira’a faufa’a roa a'e i roto i te hō’ē ‘ōpuara’a no te ha’amaura’a e aore rā no te tauira’a i te hō’ē taiete. Oia mau, te titau nei te ti’ara’a o te ture i te mau tuha’a e rave rahi mai te moni tu’u matamua, te mau faufa’a, te tute, te rahira’a ta’ata, te mau tuha’a taiete, e te vai atu ra.
Te mau titaura’a no te mā’itira’a
Te titau nei te tahi mau toro’a e te tahi mau ‘ohipa i te mau ti’ara’a ture ta’a’ē. Mai te reira iho ā rā te huru no te mau toro’a ti’amā, e mea fa’atītī’aifarohia tā rātou ‘ohipa e no reira, e ti’a ia rātou ia tu’uhia i raro a'e i te hō’ē ti’ara’a ta’a’ē.
Na te nūmera o te mau hoa i roto i te taiete e fa’ata’a i te mā’itira’a i te mau pūpū ture. E titau te tahi mau pūpū taatiraa i te hō’ē ana'e ta’ata fa’atere, aita e ‘āpiti. Te vai ra te mau taiete fatura’a ‘otahi (EI), te mau taiete tā’oti’ahia (EURL, tei tauihia i teie nei te i'oa SARLU) e te mau taiete āmui fa’a’ōhie hia (SASU).
Te fa’aōra’a i te mau ta’ata tuha’a taiete ‘āpī i roto i te hō’ē taiete, o te hō’ē īa fa’aotira’a e ti'a ‘ia hi'opo'a-māite-hia e o te nehenehe e ha’apāpū i te manuīara’a o tā ‘outou ‘ohipa, e aore rā, e fa’atupu mai i te mau fifi ‘āpī.
Te ha’amaura’a i te hō’ē taiete e te hō’ē e aore rā, e rave rahi mau ta’ata tuha’a taiete : te mau maita’i
- E nehenehe tā te mau ta’ata tuha’a taiete e horo'a mai i te moni o te fa’ati’a ia ‘outou ‘ia fa’arahi i te faufa’a o tā ‘outou taiete, e no reira, ‘ia ha’apāpū i tā ‘outou moni, ‘ia ha’amata i te hō’ē ‘ōpuara’a rahi a'e, ‘ia pūpū i te mau tauiha’a e te mau ‘ohipa maita’i a'e, e te vai atu ra ;
- E aravihi tō te mau ta’ata tuha’a taiete tāta’itahi. E nehenehe tā te hō’ē pūpū fa’atere āmui e fa’atere maita’i i te taiete ē e fa’a’āfaro ‘ōhie a'e i te mau fifi, aua'e ihoa rā teie mau aravihi huru rau;
- E nehenehe tā te mau ta’ata tuha’a taiete e turu te tahi i te tahi e ‘ia topa te hina’aro o te hō’ē o te mau ta’ata tuha’a taiete. ‘E’ere i te mea ‘ōhie ‘ia fa’atere i te hō’ē taiete, e ‘ia tu’u ‘outou i te hō’ē tuha’a o te mau hōpoi’a i ni'a i te tahi atu ta’ata ti'aturihia, e mea ‘ōhie a'e īa ‘ia huti i te aho e ‘ia noa’a fa’ahou mai tā ‘outou pūai e tā ‘outou mana'o pāpū ;
- E fa’ati’a te fa’aterera’a pūpū ia ‘outou ‘ia rave i te ‘ohipa i roto i te hō’ē vāhi itoito e te fa’a’ana’anatae, o te fa’aitoito i te hāmanira’a e te hotu i roto i te taiete.
Te ha’amaura’a i te hō’ē taiete e te hō’ē e aore rā, e rave rahi mau hoa : te mau fifi
- E’ita te mau fa’aotira’a e nehenehe e ravehia hō’ē ana'e. Te vai ra paha te mau mana'o ta’a’ē, e mea au a'e na te tahi mau ta’ata tuha’a taiete i te hō’ē rave'a ta’a’ē roa i tā ‘outou. E fa’atupu te reira i te mau fifi e mea fifi roa ‘ia fa’a’āfaro ;
- E mea ta’a’ē paha te mau ‘ōpuara’a a te hoa tāta’itahi, e e nehenehe ta rātou tāta’itahi e feruri i te ananahi o te taiete na roto i te hō’ē rave'a ta’a’ē ;
- I te tahi taime, e nehenehe te ‘ohipa āmui e arata'i i te ‘ino’ino, te ha’apararera’a mana'o ‘ore e te ta ’a-‘ore-ra’a, o te nehenehe e arata'i i te erera’a i te taime e te hotura’a, e i te ‘ino ato’a rā o te mau aura’a i rotopū i te mau ta’ata tuha’a taiete.
Te mau hina’aro i te pae faufa’a moni
Mai te mea ē, e titau tā ‘outou ‘ōpuara’a i te mau ha’amāu’ara’a rahi, e mea maita’i a'e ‘ia ha’amau i te hō’ē taiete faufa’a moni, oia ho'i, te hō’ē taiete tei niuhia i ni'a i te mau moni a te mau ta’ata tuha’a taiete (eiaha rā i ni'a i te mau ta’ata tuha’a taiete iho, mai te mau taiete ta’ata iho).
Mai te mea ē, e mea rahi te mau hina’aro i te pae faufa’a moni, e nehenehe īa ‘outou e fāriu atu i ni'a i te SAS aore ra i te taiete tuha’a ta’ata iho (SASU). E nehenehe ihoa rā te reira e fa’atupu i te mau huru ‘ohipa ta’a’ē ē e fa’a’ōhie i te ha’apararera’a.
Pārurura’a i te mau faufa’a a te ta’ata taiete
Mai te peu ē e’ita te reira e pāruruhia, e nehenehe te ta’ata taiete topatari ‘e’ere i tāna iho mau faufa’a. Tera rā, te fa’ati’a nei te rahira’a o te mau ture a te taiete i te fa’ata’a-ē-ra ’a i te mau faufa’a a te ta’ata iho i te mau faufa’a a te ta’ata iho. No reira, ‘ia topatari ana'e rātou, e’ita te feiā i ‘aitārahu e haru i te mau faufa’a a te ta’ata taiete. O te fatu hō’ē ana'e te ‘ore e pāruru i te mau faufa’a a te ta’ata taiete.
Fa’aaura’a o te mau ti’ara’a taiete i mua i te ture
| Te ti’ara’a taiete | Te mau tuha’a | Toro'a | Nūmera o te mau ta’ata tuha’a taiete | Hōpoi’a |
|---|---|---|---|---|
| EI : Taiete ta’ata tāta’itahi | Ua tāhō’ēhia te mau faufa’a a te ta’ata fa’atere e te mau faufa’a toro'a. Tei raro a'e te ho’ora’a i te moni ho’o (aita e TVA) i te tute no te ho’ora’a tauiha’a. E fa’aitihia te mau ha’amāu’ara’a no te hāmanira’a. Te upo’o fa’atere o te taiete, o te hō’ē īa rave ‘ohipa moni ‘āva’e ‘ore e aore rā, te hō’ē ta’ata rave ‘ohipa nōna iho, tū'ati i te RNS o te CPS. Aita e pāpa’ira’a i te mau parau ti’ara’a taiete | Ta’ata rima’ī, ta’ata ho’o tao'a, ‘ohipa hāmanira’a, tōro’a ‘ite ta’a’ē | Aita e ta’ata tuha’a taiete | Hōpoi’a ‘ōti’a ‘ore |
| EURL : Taiete hō’ē mero no te Hōpoi’a Tā’oti’ahia | Taiete e hō’ē ana'e fatu faufa’a. Te aufaura’a i te tufa’a ‘ia au i te fa’aotira’a a te ta’ata fa’atere. Te mau moni ‘āpī tei raro a'e i te tute a te taiete. Mai te mea ē, e ta’ata fa’atere ato’a te fatu ‘ohipa, e rave ‘ohipa moni ‘āva’e ‘ore. Aita ana'e, e fa’arirohia oia mai te hō’ē rave ‘ohipa. aita e fāito moni faufa’a tumu iti roa a’e Pāpa’ira’a i te mau ti’ara’a taiete | Ta’ata rima’ī, ta’ata ho’o tao'a, ‘ohipa hāmanira’a tauiha’a, tōro’a ‘ite ta’a’ē (eiaha rā te mau toro'a te mau pū no te ture, te ha’avāra’a e aore rā te ea, ta’a’ē atu i te mau taote rā’au) | Te ta’ata tuha’a taiete hō’ē noa | Hōpoi’a Tā’oti’ahia i te Te mau moni turu |
| SARL : Taiete no te Hōpoi’a Tā’oti’ahia | Te hō’ē ‘āpitira’a o te mau ta’ata tuha’a taiete e rave rahi, o te fa’aoti te ta’ato’ara’a o te aufaura’a i te tufa’a moni hope’a matahiti. Te mau moni ‘āpī tei raro a'e i te tute a te taiete. Mai te mea ē, o te rahira’a o te mau ta’ata tuha’a taiete fa’atere, e rave ‘ohipa īa rātou na rātou iho. Mai te peu ē mea ‘aifāito rātou, e mea iti roa aore ra ‘e’ere te ta’ata fa’atere i te ‘āpiti, e fa’arirohia īa rātou ei feiā rave ‘ohipa. E titauhia te parau fa’ati’a a te rahira’a o te mau ta’ata tuha’a taiete nō te ho’o i te tuha’a taiete. Aita e moni iti roa nō te faufa’a tumu. Pāpa’ira’a i te mau ti’ara’a taiete | Ta’ata rima’ī, ta’ata ho’o tao'a, ‘ohipa hāmanira’a tauiha’a, tōro’a ‘itera’a ta’a’ē (eiaha rā te mau toro'a a te mau pū no te ture, te ha’avāra’a e aore rā te ea, ta’a’ē atu i te mau taote rā’au) | I rotopū i te 2 e te 50 | Hōpoi’a tā’oti’ahia i te te mau moni tono, maori rā mai te mea ē, aita te ta’ata tuha’a taiete i fa’atere maita’i mai te mea ē, fa’atere ato’a |
SNC : Taiete i roto i te i'oa āmui Aita te mau ta’ata tuha’a taiete e rave ra i te ‘ohipa rave ‘ohipa moni ‘āva’e. | Te hō’ē taiete e ti’ara’a tā te mau ta’ata tuha’a taiete ato’a ei feiā ho’o tao'a. Tei raro a'e i te tute no te mau ‘ohipa e aore rā te tute a te taiete (i ni'a i te moni ‘āpī). E titauhia te fāri’ira’a a te mau hoa atoa no te ho’ora’a i te mau tuha’a. Aita e moni iti roa a’e nō te faufa’a tumu Pāpa’ira’a i te mau ti’ara’a taiete | Ta’ata rima’ī, ta’ata ho’o tao'a, ‘ohipa hāmanira’a tauiha’a, tōro’a ‘itera’a ta’a’ē (eiaha rā te mau toro'a a te mau pū no te ture, te ha’avāra’a e aore rā te ea, ta’a’ē atu i te mau taote rā’au) | 2 iti a'e | Hōpoi’a ‘ōti’a ‘ore e te tāhō’ēra’a i rotopū i te Te mau ta’ata tuha’a taiete |
| SA : Taiete Ta’ata i'oa ‘ore | Taiete faufa’a tumu fa’aterehia e te tōmite fa’atere e aore rā, te hō’ē tōmite hi'opo'a. Tano no te mau taiete e titau nei i te mau ha’amāu’ara’a rahi. Te mau moni ‘āpī tei raro a'e i te tute a te taiete. E fa’arirohia te mau fa’atere mai te mau rave ‘ohipa. e mea fa’ature ‘ore hia te ho’ora’a i e mau tuha’a taiete Te moni iti roa a'e e 5 000 000 FCFP nō te faufa’a tumu. Pāpa’ira’a i te mau ti’ara’a taiete | Ta’ata rima’ī, ta’ata ho’o tao'a, ‘ohipa hāmanira’a tauiha’a, tōro’a ‘itera’a ta’a’ē | 7 iti a'e | Hōpoi’a tā’oti’ahia i te te mau moni turu |
| SAS : Taiete na te mau tuha’a taiete fa’a’ōhie hia | Taiete āmui e te ‘ōhie i roto i te pāpa’ira’a i te mau ti’ara’a taiete. Te mau moni ‘āpī e aufauhia i te tute no te mau taiete. E rave ‘ohipa rātou iho. Te moni iti roa a'e e 200 000 FCFP nō te faufa’a tumu Pāpa’ira’a i te mau ti’ara’a taiete | Ta’ata rima’ī, ta’ata ho’o tao'a, ‘ohipa hāmanira’a tauiha’a, tōro’a ‘itera’a ta’a’ē (eiaha rā te mau toro'a a te mau pū no te ture, te ha’avāra’a e aore rā te ea) | 2 iti a'e | Hōpoi’a tā’oti’ahia i te mau moni turu maori rā mai te peu ē ua rave te ta’ata tuha’a taiete i te hō’ē hape fa’aterera’a moni e mai te mea ē, o oia te fa’atere |
| SASU : Taiete na Te mau tuha’a taiete fa’a’ōhie hia mero ‘otahi | Te hō’ē taiete āmui fa’a’ōhie hia e te hō’ē noa ta’ata tuha’a taiete. Hō’ē ā huru e te SAS. | Ta’ata rima’ī, ta’ata ho’o tao'a, ‘ohipa hāmanira’a tauiha’a, tōro’a ‘itera’a ta’a’ē (eiaha rā te mau toro'a a te mau pū no te ture, te ha’avāra’a e aore rā te ea) | Te ta’ata tuha’a taiete hō’ē | Hōpoi’a tā’oti’ahia i te mau moni turu |
Te mā’itira’a i te ti’ara’a i mua i te ture, o te hō’ē īa o te mau fa’aotira’a faufa’a roa a'e i roto i te hō’ē ‘ōpuara’a no te ha’amaura’a e aore rā no te tauira’a i te hō’ē taiete. Oia mau, te titau nei te ti’ara’a o te ture i te mau tuha’a e rave rahi mai te moni tu’u matamua, te mau faufa’a, te tute, te rahira’a ta’ata, te mau tuha’a taiete, e te vai atu ra.
Te mau titaura’a no te mā’itira’a
Te titau nei te tahi mau toro’a e te tahi mau ‘ohipa i te mau ti’ara’a ture ta’a’ē. Mai te reira iho ā rā te huru no te mau toro’a ti’amā, e mea fa’atītī’aifarohia tā rātou ‘ohipa e no reira, e ti’a ia rātou ia tu’uhia i raro a'e i te hō’ē ti’ara’a ta’a’ē.
Na te nūmera o te mau hoa i roto i te taiete e fa’ata’a i te mā’itira’a i te mau pūpū ture. E titau te tahi mau pūpū taatiraa i te hō’ē ana'e ta’ata fa’atere, aita e ‘āpiti. Te vai ra te mau taiete fatura’a ‘otahi (EI), te mau taiete tā’oti’ahia (EURL, tei tauihia i teie nei te i'oa SARLU) e te mau taiete āmui fa’a’ōhie hia (SASU).
Te fa’aōra’a i te mau ta’ata tuha’a taiete ‘āpī i roto i te hō’ē taiete, o te hō’ē īa fa’aotira’a e ti'a ‘ia hi'opo'a-māite-hia e o te nehenehe e ha’apāpū i te manuīara’a o tā ‘outou ‘ohipa, e aore rā, e fa’atupu mai i te mau fifi ‘āpī.
Te ha’amaura’a i te hō’ē taiete e te hō’ē e aore rā, e rave rahi mau ta’ata tuha’a taiete : te mau maita’i
- E nehenehe tā te mau ta’ata tuha’a taiete e horo'a mai i te moni o te fa’ati’a ia ‘outou ‘ia fa’arahi i te faufa’a o tā ‘outou taiete, e no reira, ‘ia ha’apāpū i tā ‘outou moni, ‘ia ha’amata i te hō’ē ‘ōpuara’a rahi a'e, ‘ia pūpū i te mau tauiha’a e te mau ‘ohipa maita’i a'e, e te vai atu ra ;
- E aravihi tō te mau ta’ata tuha’a taiete tāta’itahi. E nehenehe tā te hō’ē pūpū fa’atere āmui e fa’atere maita’i i te taiete ē e fa’a’āfaro ‘ōhie a'e i te mau fifi, aua'e ihoa rā teie mau aravihi huru rau;
- E nehenehe tā te mau ta’ata tuha’a taiete e turu te tahi i te tahi e ‘ia topa te hina’aro o te hō’ē o te mau ta’ata tuha’a taiete. ‘E’ere i te mea ‘ōhie ‘ia fa’atere i te hō’ē taiete, e ‘ia tu’u ‘outou i te hō’ē tuha’a o te mau hōpoi’a i ni'a i te tahi atu ta’ata ti'aturihia, e mea ‘ōhie a'e īa ‘ia huti i te aho e ‘ia noa’a fa’ahou mai tā ‘outou pūai e tā ‘outou mana'o pāpū ;
- E fa’ati’a te fa’aterera’a pūpū ia ‘outou ‘ia rave i te ‘ohipa i roto i te hō’ē vāhi itoito e te fa’a’ana’anatae, o te fa’aitoito i te hāmanira’a e te hotu i roto i te taiete.
Te ha’amaura’a i te hō’ē taiete e te hō’ē e aore rā, e rave rahi mau hoa : te mau fifi
- E’ita te mau fa’aotira’a e nehenehe e ravehia hō’ē ana'e. Te vai ra paha te mau mana'o ta’a’ē, e mea au a'e na te tahi mau ta’ata tuha’a taiete i te hō’ē rave'a ta’a’ē roa i tā ‘outou. E fa’atupu te reira i te mau fifi e mea fifi roa ‘ia fa’a’āfaro ;
- E mea ta’a’ē paha te mau ‘ōpuara’a a te hoa tāta’itahi, e e nehenehe ta rātou tāta’itahi e feruri i te ananahi o te taiete na roto i te hō’ē rave'a ta’a’ē ;
- I te tahi taime, e nehenehe te ‘ohipa āmui e arata'i i te ‘ino’ino, te ha’apararera’a mana'o ‘ore e te ta ’a-‘ore-ra’a, o te nehenehe e arata'i i te erera’a i te taime e te hotura’a, e i te ‘ino ato’a rā o te mau aura’a i rotopū i te mau ta’ata tuha’a taiete.
Te mau hina’aro i te pae faufa’a moni
Mai te mea ē, e titau tā ‘outou ‘ōpuara’a i te mau ha’amāu’ara’a rahi, e mea maita’i a'e ‘ia ha’amau i te hō’ē taiete faufa’a moni, oia ho'i, te hō’ē taiete tei niuhia i ni'a i te mau moni a te mau ta’ata tuha’a taiete (eiaha rā i ni'a i te mau ta’ata tuha’a taiete iho, mai te mau taiete ta’ata iho).
Mai te mea ē, e mea rahi te mau hina’aro i te pae faufa’a moni, e nehenehe īa ‘outou e fāriu atu i ni'a i te SAS aore ra i te taiete tuha’a ta’ata iho (SASU). E nehenehe ihoa rā te reira e fa’atupu i te mau huru ‘ohipa ta’a’ē ē e fa’a’ōhie i te ha’apararera’a.
Pārurura’a i te mau faufa’a a te ta’ata taiete
Mai te peu ē e’ita te reira e pāruruhia, e nehenehe te ta’ata taiete topatari ‘e’ere i tāna iho mau faufa’a. Tera rā, te fa’ati’a nei te rahira’a o te mau ture a te taiete i te fa’ata’a-ē-ra ’a i te mau faufa’a a te ta’ata iho i te mau faufa’a a te ta’ata iho. No reira, ‘ia topatari ana'e rātou, e’ita te feiā i ‘aitārahu e haru i te mau faufa’a a te ta’ata taiete. O te fatu hō’ē ana'e te ‘ore e pāruru i te mau faufa’a a te ta’ata taiete.
Fa’aaura’a o te mau ti’ara’a taiete i mua i te ture
| Te ti’ara’a taiete | Te mau tuha’a | Toro'a | Nūmera o te mau ta’ata tuha’a taiete | Hōpoi’a |
|---|---|---|---|---|
| EI : Taiete ta’ata tāta’itahi | Ua tāhō’ēhia te mau faufa’a a te ta’ata fa’atere e te mau faufa’a toro'a. Tei raro a'e te ho’ora’a i te moni ho’o (aita e TVA) i te tute no te ho’ora’a tauiha’a. E fa’aitihia te mau ha’amāu’ara’a no te hāmanira’a. Te upo’o fa’atere o te taiete, o te hō’ē īa rave ‘ohipa moni ‘āva’e ‘ore e aore rā, te hō’ē ta’ata rave ‘ohipa nōna iho, tū'ati i te RNS o te CPS. Aita e pāpa’ira’a i te mau parau ti’ara’a taiete | Ta’ata rima’ī, ta’ata ho’o tao'a, ‘ohipa hāmanira’a, tōro’a ‘ite ta’a’ē | Aita e ta’ata tuha’a taiete | Hōpoi’a ‘ōti’a ‘ore |
| EURL : Taiete hō’ē mero no te Hōpoi’a Tā’oti’ahia | Taiete e hō’ē ana'e fatu faufa’a. Te aufaura’a i te tufa’a ‘ia au i te fa’aotira’a a te ta’ata fa’atere. Te mau moni ‘āpī tei raro a'e i te tute a te taiete. Mai te mea ē, e ta’ata fa’atere ato’a te fatu ‘ohipa, e rave ‘ohipa moni ‘āva’e ‘ore. Aita ana'e, e fa’arirohia oia mai te hō’ē rave ‘ohipa. aita e fāito moni faufa’a tumu iti roa a’e Pāpa’ira’a i te mau ti’ara’a taiete | Ta’ata rima’ī, ta’ata ho’o tao'a, ‘ohipa hāmanira’a tauiha’a, tōro’a ‘ite ta’a’ē (eiaha rā te mau toro'a te mau pū no te ture, te ha’avāra’a e aore rā te ea, ta’a’ē atu i te mau taote rā’au) | Te ta’ata tuha’a taiete hō’ē noa | Hōpoi’a Tā’oti’ahia i te Te mau moni turu |
| SARL : Taiete no te Hōpoi’a Tā’oti’ahia | Te hō’ē ‘āpitira’a o te mau ta’ata tuha’a taiete e rave rahi, o te fa’aoti te ta’ato’ara’a o te aufaura’a i te tufa’a moni hope’a matahiti. Te mau moni ‘āpī tei raro a'e i te tute a te taiete. Mai te mea ē, o te rahira’a o te mau ta’ata tuha’a taiete fa’atere, e rave ‘ohipa īa rātou na rātou iho. Mai te peu ē mea ‘aifāito rātou, e mea iti roa aore ra ‘e’ere te ta’ata fa’atere i te ‘āpiti, e fa’arirohia īa rātou ei feiā rave ‘ohipa. E titauhia te parau fa’ati’a a te rahira’a o te mau ta’ata tuha’a taiete nō te ho’o i te tuha’a taiete. Aita e moni iti roa nō te faufa’a tumu. Pāpa’ira’a i te mau ti’ara’a taiete | Ta’ata rima’ī, ta’ata ho’o tao'a, ‘ohipa hāmanira’a tauiha’a, tōro’a ‘itera’a ta’a’ē (eiaha rā te mau toro'a a te mau pū no te ture, te ha’avāra’a e aore rā te ea, ta’a’ē atu i te mau taote rā’au) | I rotopū i te 2 e te 50 | Hōpoi’a tā’oti’ahia i te te mau moni tono, maori rā mai te mea ē, aita te ta’ata tuha’a taiete i fa’atere maita’i mai te mea ē, fa’atere ato’a |
SNC : Taiete i roto i te i'oa āmui Aita te mau ta’ata tuha’a taiete e rave ra i te ‘ohipa rave ‘ohipa moni ‘āva’e. | Te hō’ē taiete e ti’ara’a tā te mau ta’ata tuha’a taiete ato’a ei feiā ho’o tao'a. Tei raro a'e i te tute no te mau ‘ohipa e aore rā te tute a te taiete (i ni'a i te moni ‘āpī). E titauhia te fāri’ira’a a te mau hoa atoa no te ho’ora’a i te mau tuha’a. Aita e moni iti roa a’e nō te faufa’a tumu Pāpa’ira’a i te mau ti’ara’a taiete | Ta’ata rima’ī, ta’ata ho’o tao'a, ‘ohipa hāmanira’a tauiha’a, tōro’a ‘itera’a ta’a’ē (eiaha rā te mau toro'a a te mau pū no te ture, te ha’avāra’a e aore rā te ea, ta’a’ē atu i te mau taote rā’au) | 2 iti a'e | Hōpoi’a ‘ōti’a ‘ore e te tāhō’ēra’a i rotopū i te Te mau ta’ata tuha’a taiete |
| SA : Taiete Ta’ata i'oa ‘ore | Taiete faufa’a tumu fa’aterehia e te tōmite fa’atere e aore rā, te hō’ē tōmite hi'opo'a. Tano no te mau taiete e titau nei i te mau ha’amāu’ara’a rahi. Te mau moni ‘āpī tei raro a'e i te tute a te taiete. E fa’arirohia te mau fa’atere mai te mau rave ‘ohipa. e mea fa’ature ‘ore hia te ho’ora’a i e mau tuha’a taiete Te moni iti roa a'e e 5 000 000 FCFP nō te faufa’a tumu. Pāpa’ira’a i te mau ti’ara’a taiete | Ta’ata rima’ī, ta’ata ho’o tao'a, ‘ohipa hāmanira’a tauiha’a, tōro’a ‘itera’a ta’a’ē | 7 iti a'e | Hōpoi’a tā’oti’ahia i te te mau moni turu |
| SAS : Taiete na te mau tuha’a taiete fa’a’ōhie hia | Taiete āmui e te ‘ōhie i roto i te pāpa’ira’a i te mau ti’ara’a taiete. Te mau moni ‘āpī e aufauhia i te tute no te mau taiete. E rave ‘ohipa rātou iho. Te moni iti roa a'e e 200 000 FCFP nō te faufa’a tumu Pāpa’ira’a i te mau ti’ara’a taiete | Ta’ata rima’ī, ta’ata ho’o tao'a, ‘ohipa hāmanira’a tauiha’a, tōro’a ‘itera’a ta’a’ē (eiaha rā te mau toro'a a te mau pū no te ture, te ha’avāra’a e aore rā te ea) | 2 iti a'e | Hōpoi’a tā’oti’ahia i te mau moni turu maori rā mai te peu ē ua rave te ta’ata tuha’a taiete i te hō’ē hape fa’aterera’a moni e mai te mea ē, o oia te fa’atere |
| SASU : Taiete na Te mau tuha’a taiete fa’a’ōhie hia mero ‘otahi | Te hō’ē taiete āmui fa’a’ōhie hia e te hō’ē noa ta’ata tuha’a taiete. Hō’ē ā huru e te SAS. | Ta’ata rima’ī, ta’ata ho’o tao'a, ‘ohipa hāmanira’a tauiha’a, tōro’a ‘itera’a ta’a’ē (eiaha rā te mau toro'a a te mau pū no te ture, te ha’avāra’a e aore rā te ea) | Te ta’ata tuha’a taiete hō’ē | Hōpoi’a tā’oti’ahia i te mau moni turu |