Ture no te orara’a o te ta’ata iho

1. ‘ōmuara’a parau

Te fa’ata’a nei teie fa’aturera’a no te pāruru i te huru o te SOFIDEP (Société de financement et du développement de la Polynésie française) no te ha’aputu, no te fa’a’ohipa e no te pāruru i te mau ha’amāramaramara’a o te ta’ata iho (DCP) tā ‘outou e hāpono mai ia mātou, mai te mea te vai ra, ‘ia fa’a’ohipa ‘outou i teie tahua ‘itenati na roto i te URL i muri nei www.sofidep.pf.

Te fā o teie fa’aturera’a, o te ha’apa’ora’a īa i te tītaura’a ‘ia horo'a i te ha’amāramaramara’a tei ru’uru’uhia e te SOFIDEP’ ia au i te RGPD (‘īrava 12) e no te ha’apāpū i te mau ti’ara’a e te mau tītaura’a a tāna mau hōani e te mau ta’ata no ni'a i te ravera’a i tā rātou iho mau ha’amāramaramara’a.

Ha’amāramaramara’a no ni'a i te ta’ata hi'opo'a i te mau ha’amāramaramara’a

Te ta’ata hi'opo'a i te mau ha’amāramaramara’a o Gaspard TOSCAN DU PLANTIER tāne, fa’atere rahi o te SOFIDEP
SAEML e te tumu faufa’a e 1 500 000 000 XPF
tei tāpa’ohia i roto i te RCS i raro a’e i te nūmera 7502B, N° TAHITI 531574
Tei te 15-17, rue du docteur CASSIAU, BP 345 - 98713 tōna pū fa’aterera’a
Nūmera niuniu : +689 40 50 93 30 ; rata uira : info@sofidep.pf

Fafaura’a no te parau huna

Te fafau nei te SOFIDEP i te ha’apa’o i te ture (EU) 2016/679 a te ‘āpo’ora’a no Europa e a te ‘āpo’ora’a no te 27 no eperera 2016 (RGPD) e te ‘īrava 32 o te ture no te pārurura’a i te mau ha’amāramaramara’a no te 6 no tēnuare 1978, mai tei fa’atītī’aifarohia i roto i te ha’aputura’a e te ravera’a i tō ‘outou iho mau ha’amāramaramara’a na roto i tā mātou tahua ‘itenati.

Te fa’atura nei mātou i te mau ti’ara’a o tā mātou mau hōani, e te tūtava nei mātou i te ha’amau tāmau noa i te mau rave'a tano i te pae tino, te fa’aterera’a e te aravihi no te ha’apāpū i te pārurura’a i tō ‘outou iho mau ha’amāramaramara’a

Tumu e ha’aputura’a i te mau ha’amāramaramara’a

Te mau ha’amāramaramara’a no ni'a i tā mātou mau hōani e te mau ta’ata e fārerei ra, e ha’aputuputu ti'a atu īa ia rātou (ha’aputura’a ti'a). E nehenehe ato’a te ha’aputura’a e ravehia na roto i te mau hoa ‘ohipa e te feiā ho’o a te SOFIDEP. I roto i teie hi’ora’a, e ha’apa’o maita’i oia i te maita’i o te mau ha’amāramaramara’a tei fa’ataehia iana.

Te rahira’a o te mau ha’amāramaramara’a i ha’aputuputuhia no ni'a īa i te mau ha’amāramaramara’a i muri nei:

pa’era’a, i'oa, ti’ara’a, tai'o mahana fanaura’a ;
nohora’a, vāhi rata, rata uira, nūmera niuniu ;
Te mau ha’amāramaramara’a o te ta’ata iho tei fa’a’itehia mai ia mātou i roto i te hō’ē anira’a moni i te Sofidep: curriculum vitae, papa ture aore ra ‘ōpuara’a papa ture, Kbis tuha’a iti, parau fa’ati’a ture, parau tapa’o i te RTE (N° Tahiti), parau ‘āfata moni, parau tapura ‘āfata moni;

Ha’amāramaramara’a no ni'a i te mau rave'a ‘āpī :

IP vaira’a
ti’ara’a no te mātini
huru natiuira
Fa’anahora’a no te fa’a’ohipara’a
Te mau i'oa no te mau mātini ‘āfa’ifa’i
Te mau ha’amāramaramara’a no ni'a i te vāhi nohora’a
fenua no reira ‘outou i haere ai i ni'a i tā mātou tahua ‘itenati
Te mau tahua ‘itenati i mata'ita'ihia
Tai'o mahana e hora no te mata’ita’ira’a
Te mau tahua ‘itenati tei mata'ita'ihia na mua noa a'e e i muri a'e i tā mātou mau tahua
Rahira’a rēni e te mau rēni ta’a’ē tā ‘outou e pata i roto i tā mātou mau tahua ‘itenati
Te mau rave'a tā ‘outou e fa’a’ohipa nei i ni'a i tā mātou tahua ‘itenati
Te mau ha’amāramaramara’a e roa’a mai e aore rā e fa’auta-uira-hia mai roto mai i tā mātou mau tahua ‘itenati
Te mau ha’amāramaramara’a no te fāri’ira’a

Te mau fā o te ravera’a

Te mau ‘ohipa e titauhia no te horo’ara’a i te mau ha’a e aore rā te mau ‘ohipa

Fa’aterera’a i te mau tāpa’ora’a i tā mātou mau ve'a e te mau fa’aarara’a na roto i te rata uira
Te fa’aterera’a i te mau anira’a no te īritira’a i te tāpa’ora’a
Fa’aterera’a i te mau aura’a i rotopū i te mau hōani : horo’ara’a i te tauturu i te mau hōani na roto i te rata, te niuniu, te rata uira no te mau uira’a e aore rā te amuamura’a
Te fa’aterera’a i te fa’a’ohipara’a i tā ‘outou mau ti’ara’a i ni'a i tā ‘outou iho mau ha’amāramaramara’a

Te mau ‘ohipa ho’ora’a e te imira’a i te pae tapiho’ora’a

Te fa’a’ohipara’a i tā ‘outou iho mau ha’amāramaramara’a no te horo'a ia ‘outou i te mau mea tapiho’ora’a, te mau pūpūra’a ta’a’ē, te mau fa’a’ite’itera’a
Ha’aputura’a i te mau mana'o o te mau hōani
Te fa’anahonahora’a i te mau ha’uti tata'ura’a
Ha’aputura’a i te mau nūmera no te tapiho’ora’a tauiha’a

Te mau ‘ohipa a te mau hoa tapiho’ora’a

Te ‘ōperera’a, te tauira’a e aore rā te tārahura’a i te mau pu'e parau e te mau hoa tapiho’ora’a ‘ia au i te mau fa’aturera’a e te mau tītaura’a no te pārurura’a
Hāponora’a i te mau parau poro'i no ni'a i te mau tauiha’a e te mau ‘ohipa a te hoa ‘ohipa na roto i te rata, te rata uira, te mau rave'a ha’apararera’a tōtiare e aore rā te tahi atu rave'a
Te fa’anahonahora’a i te mau tata'ura’a e aore rā te tahi atu mau ‘ohipa fa’a’ite’itera’a e te mau hoa tapiho’ora’a

Te mau ‘ōpuara’a no te tu’ura’a i te mau fā’īra’a i ni’a i te ‘itenati i ni'a i tā ‘outou fa’anahora’a roro uira

Te terera’a e te fa’ananeara’a i te terera’a i ni'a i tā mātou mau tahua ‘itenati e te mau fa’anahora’a
Te faito o te feiā e tae mai e te feiā e fa'aro'o ra
Te fa’aaura’a i te mau parau fa’atīani e vai ra i ni'a i tā mātou mau tahua ‘itenati e te mau fa’anahora’a

Te feiā e fari’i i te mau ha’amāramaramara’a – Fa’ati’ara’a e te hi'opo'ara’a

E ha’apāpū te SOFIDEP e, e roa’a te mau ha’amāramaramara’a i te mau ta’ata ana'e tei ha’amanahia no roto mai e aore rā no rāpae.

Te feiā i fari’i i roto i te pū

te feiā rave ‘ohipa ha’amanahia o te tuha’a fa’atere no te ha’apa’ora’a i te mau aura’a e te imira’a i te mau hōani, te mau pū fa’aterera’a, te mau tuha’a no te fa’anahora’a e te mau mātini roro uira e tō rātou mau ra’atira ;
te feiā rave ‘ohipa ha’amanahia no te mau pū hi'opo'ara’a (hi'opo'a faufa’a taiete, te mau tuha’a fa’atere no te hi'opo'ara’a i roto i te fenua, e te tahi atu ā) ;

Te mau ta’ata no rāpae mai

te mau hoa ‘ohipa, te mau taiete no rāpae e aore rā te mau ‘āma’a no te hō’ē ā pūpū taiete;
te mau pūpū, te mau ti'a no te tiripuna e te mau ti'a fa’atere hau, ei tuha’a no tā rātou ‘ohipa no te titau i te tārahu ;
te tino ha’apa’o i te tāpura pāto’ira’a i te hi'opo'ara’a na roto i te niuniu paraparau;
te feiā rave ‘ohipa ha’amanahia a te feiā rave ‘ohipa tono.

Te feiā e fari’i i te mau ha’amāramaramara’a o te ta’ata iho o te mau hōani e te mau ta’ata i roto i te SOFIDEP, tei raro a'e īa rātou i te hō’ē tītaura’a no te parau huna.
Na te SOFIDEP e fa’aoti o vai te ta’ata e fari’i i teihea mau ha’amāramaramara’a ‘ia au i te hō’ē ture fa’ati’ara’a.
Aita roa atu te SOFIDEP e fa’autu’ahia no te mau huru ino ato’a e tupu mai na roto i te tomora’a i te mau ha’amāramaramara’a o te ta’ata iho ma te ti'a ‘ore i te ture.
Te mau rave'a ato’a no ni'a i te mau ha’amāramaramara’a o te ta’ata iho o te mau hōani e te mau ta’ata e titau ra, tei raro a'e īa i te hō’ē fāito no te hi'opo'ara’a.
Ta’a’ē noatu i te reira, e nehenehe te mau ha’amāramaramara’a o te ta’ata iho e fa’ataehia i te mau mana fa’atere ato’a e ti'a ‘ia ‘ite i te reira. I roto i teie tupura’a, aita te SOFIDEP e amo i te hōpoi’a no te mau huru tupura’a i reira te mau rave ‘ohipa o teie mau mana e nehenehe ai e fa’a’ohipa i te mau ha’amāramaramara’a.

Tau tāpe’ara’a i te mau ha’amāramaramara’a

Te parau tumu rahi no ni'a i te maorora’a o te tāpe’ara’a i te mau ha’amāramaramara’a : « E tāpe’ahia te mau ha’amāramaramara’a o te ta’ata iho i roto i te hō’ē huru e ti’a ai e fa’a’ite i te mau ta’ata i roto i te hō’ē area taime e’ita e hau atu i tei titauhia no te mau ‘ōpuara’a i tāpa’ohia ai rātou ».

Anira’a i te niuniu i te webmaster : 6 ‘āva’e i muri a'e i te fāri’ira’a i te parau anira’a
Te mau ha’amāramaramara’a no ni'a i tā ‘outou haerera’a i ni'a i tā mātou mau fa’anahora’a i ni'a i te ‘itenati : 13 ‘āva’e.
Ha’aputura’a ha’amāramaramara’a : No te roara’a o te aura’a fa’aau
Te fa’aaura’a i te mau parau fa’atīani e vai ra i ni'a i tā mātou mau tahua ‘itenati e te mau fa’anahora’a : fa’a’āpīra’a i te mau matahiti ato’a

Te mau ti’ara’a

E ti’ara’a tō ‘outou no te hi'o, no te hi'opo'a e no te fa’a’api i tā ‘outou iho mau ha’amāramaramara’a tei tapo'ihia e teie fa’aturera’a. No te ani i te reira, a niuniu mai ia mātou i te mau ha’amāramaramara’a i horo'ahia. E rave mātou i te mau tauto’ora’a tano no te pāhono i tā ‘outou anira’a, terā rā, te vai nei tā mātou ti’ara’a no te tu’u i te tahi mau ōpanira’a e te mau tītaura’a i ni'a i taua mau anira’a ra, mai tei titauhia e aore rā tei fa’ati’ahia e te ture.
Te vai ato’a ra tā ‘outou

Te ti’ara’a no te hi'o i tā ‘outou iho mau ha’amāramaramara’a tei mauhia e te fa’anahonahora’a (Art. 15).
Te ti’ara’a no te fa’a’api e no te fa’atītī’aifaro i te tahi mau ha’amāramaramara’a hape e aore rā, aita i hope roa (Art. 16).
Te ti’ara’a no te ani i te tūmāra’a i te mau ha’amāramaramara’a o te ta’ata iho i roto i te tahi mau tupura’a, mai te mea ihoa rā e, aita e faufa’a fa’ahou no te mau tumu i ha’aputuputuhia ai te mau ha’amāramaramara’a e aita e tumu no te tāmau noa i te rave (e aore rā, no te ha’aputu) i te reira (Art. 17).
Te ti'ara'a no te fari'i i te ōpanira'a e aore rā te ōpanira'a i te ravera'a i te mau ha'amāramaramara'a (Art. 18).
Te ti’ara’a no te fari’i i te mau ha’amāramaramara’a na roto i te hō’ē fa’anahora’a ‘āfa’ifa’i (Art. 20).
Te ti’ara’a no te pāto’i i te ravera’a i te mau ha’amāramaramara’a (Art. 21).
Te ti’ara’a no ni'a i te hi'opo'ara’a,’ ia ‘ite i te ‘ohipa, e aore rā, ‘ia pāto’i i te ravera’a i te mau ha’amāramaramara’a roro uira (Art. 22).

9. Te mau ti’ara’a i muri a’e i te pohera’a

E fa’aarahia te mau hōani e te mau ta’ata e fārerei ra e, e ti’ara’a tō rātou no te fa’anaho i te mau arata’ira’a no ni'a i te tāpe’ara’a, te tūmāra’a e te ha’apararera’a i tā rātou mau ha’amāramaramara’a i muri a'e i te pohera’a. E ravehia te fa’ataera’a i te mau arata’ira’a ta’a’ē i muri a'e i te pohera’a e te fa’a’ohipara’a i tō rātou mau ti’ara’a na roto i te rata uira i te vāhi info@sofidep.pf e te hō’ē hoho'a o te hō’ē parau tu’urimara’a.

10. Te mau ravera’a no te fa’a’ohipara’a i te mau ti’ara’a

Mai te mea ē, te vai ra tā ‘outou mau uira’a no ni'a i teie ture no ni'a i te pāruru iho e aore rā, mai te mea ē, te vai ra tā ‘outou mau anira’a no ni'a i tā ‘outou iho mau ha’amāramaramara’a, e nehenehe tā ‘outou e parau mai ia mātou na roto i te :

te hāponora’a i te hō’ē rata uira i tā mātou ti'a no te pārurura’a i te mau ha’amāramaramara’a i te vāhi i muri nei : @: dpo@sofidep.pf
aore ra na roto i te hāponora’a mai i te hō’ē rata i te vāhi nohora’a i muri nei: BP 345 – 98 713 Papeete

Te mau pahonora’a e ma'itihia e aore rā, e mea fa’ahepohia

E fa’aarahia te mau hōani e te mau ta’ata e fārerei ra i ni'a i te ‘api parau tāta’itahi no te ha’aputura’a i te mau ha’amāramaramara’a no ni'a i te huru fa’ahepohia e aore rā, te mā’itira’a o te mau pahonora’a na roto i te tu’ura’a i te hō’ē feti’a.
Mai te peu ē e titauhia te mau pahonora’a, e fa’ata’a te SOFIDEP i te mau hōani e i te mau ta’ata e fārerei i te mau fa’ahope’ara’a o te orera’a e pāhono.

Te mau parau fa’aau

E fa’aara te SOFIDEP i tāna mau hōani e te mau ta’ata e fārerei ra e, e nehenehe tāna e fa’aō mai i te hō’ē ta’ata rave ‘ohipa tāna i ma'iti i roto i te ravera’a i tā rātou iho mau ha’amāramaramara’a.
I roto i teie hi’ora’a, e ha’apāpū te SOFIDEP e te ha’apa’o ra te ta’ata rave ‘ohipa i tāna mau tītaura’a i raro a'e i te RGPD.
Te fafau nei te SOFIDEP i te tārima i te hō’ē parau fa’aau pāpa’ihia e tāna mau ta’ata rave ‘ohipa ato’a e te fa’ahepo nei i te feiā rave ‘ohipa i te hō’ē ā mau tītaura’a no te pārurura’a i te mau ha’amāramaramara’a mai tāna e rave nei. Ta’a’ē noa atu i te reira, e ti’ara’a to te SOFIDEP no te hi'opo'a i tāna mau ta’ata rave ‘ohipa no te ha’apāpū i te ha’apa’ora’a i te mau fa’anahora’a o te RGPD.

Te mau rave'a pārurura’a

Ei ta’ata hi'opo'a i te mau ha’amāramaramara’a, te fa’a’ohipa nei mātou i te mau rave'a aravihi e te fa’anahonahora’a tano ‘ia au i te mau ture no te pāruru i tō ‘outou iho mau ha’amāramaramara’a i te ha’amoura’a, te mo'era’a, te tauira’a e aore rā te fa’a’itera’a i te mau ha’amāramaramara’a ma te ‘ore e fa’ati’a-ore-hia :
Teie te mau rave'a :

te fa’aterera’a i te mau parau fa’ati’a no te fāri’ira’a i te mau ha’amāramaramara’a ;
te mau pārurura’a i roto ;
te fa’anahora’a no te ‘itera’a;
te fa’aterera’a i te mau hi'opo'ara’a no te pārurura’a ;
te fāri’ira’a i te hō’ē ture no te pārurura’a i te mau fa’anahora’a ha’amāramaramara’a ;
te fāri’ira’a i te mau fa’anahora’a no te tāmau noa i te ‘ohipa;
te fa’a’ohipara’a i te hō’ē fa’anahora’a pāruru e aore rā, te mau rave'a.
Te pārurura’a i te tomora’a i roto i tā mātou mau pū e te mau fa’anahora’a roro uira ;
Te fa’a’ohipara’a i te hō’ē fa’aturera’a rahi no te pārurura’a i te mau mātini roro uira no te taiete;
Te pārurura’a i te fāri’ira’a, te ‘ōperera’a e te hāponora’a i te mau ha’amāramaramara’a ;
Te fāito teitei o te mau tītaura’a no te pārurura’a i te mau ha’amāramaramara’a ‘ia mā'iti ana'e tātou i tā tātou mau fa’anahora’a e tō tātou mau hoa ‘ohipa.

Ōfatira’a i te mau ha’amāramaramara’a

Mai te peu ē e tupu te hō’ē ōfatira’a i te mau ha’amāramaramara’a o te ta’ata iho, e fafau te SOFIDEP i te fa’aara i te CNIL i raro a'e i te mau tītaura’a i fa’ata’ahia e te RGPD.
Mai te mea ē, e mea ataata roa te ōfatira’a i te mau hōani e te mau ta’ata e fārerei ra e aita te mau ha’amāramaramara’a i pāruruhia, e :
Teie te mau rave'a :

fa’aara i te mau hōani e te mau ta’ata i ro’ohia i te ati;
e fa’a’ite i te mau ha’amāramaramara’a e te mau mana'o tauturu i te mau hōani e te mau ta’ata e fārerei ra.

Te tapa'o no te ravera’a i te ‘ohipa

Te fafau nei te SOFIDEP, ei ta’ata hi'opo'a i te mau ha’amāramaramara’a, i te tāpe’a i te hō’ē tāpura ‘api no te mau ‘ohipa ato’a i ravehia.
E parau aore ra e anira’a teie puta o te fa’ati’a ‘ia fa’ata’a i te mau ‘ohipa ato’a i ravehia e te SOFIDEP, ei ta’ata hi’opo’a i te mau ha’amāramaramara’a.
Te fafau nei te SOFIDEP i te horo'a i te mana hi'opo'a, ‘ia anihia na mua roa, i te mau ha’amāramaramara’a e ti’a ai i taua mana fa’atere ra ‘ia hi'opo'a i te tū’atira’a o te fa’anahora’a i te mau fa’aturera’a no te pārurura’a i te mau ha’amāramaramara’a e vai ra.

Te mau rēni no te tahi atu mau tahua ‘itenati e te mau natirēni tōtiare

I te tahi taime, te vai ra i roto i tā mātou fa’anahora’a te mau rēni no ni'a i te tahua ‘itenati a tā mātou mau hoa ‘ohipa e aore rā, a te tahi atu mau taiete. ‘Ia ‘ite mai ‘outou e, te vai ra ta teie mau tahua ‘itenati tā rātou iho mau fa’aturera’a no te pāruru i te ta’ata e aita mātou e hōpoi’a no te fa’a’ohipara’a i teie mau tahua ‘itenati i te mau ha’amāramaramara’a i ha’aputuputuhia ‘ia pata ana'e ‘outou i ni'a i teie mau tū’atira’a. Te ani manihini atu nei mātou ia ‘outou ‘ia tai'o i te mau ture no te orara’a o teie mau tahua hou a horo'a atu ai i tā ‘outou iho mau ha’amāramaramara’a.

Amuamu i te mana fa’atere

Mai te mea ē, te mana'o ra ‘outou e, aita te SOFIDEP e ha’apa’o ra i tāna mau tītaura’a no ni'a i tā ‘outou iho mau ha’amāramaramara’a, e tano tā ‘outou e fa’atae i te hō’ē amuamura’a e aore rā, i te hō’ē anira’a i te mana ti'a. I te fenua farāni, te mana fa’atere o te CNIL īa, i reira ‘outou e nehenehe ai e hāpono i te hō’ē anira’a na roto i te roro uira na roto i te patara’a i ni’a i te hono i muri nei :

Te mau fa’autu’ara’a

E titauhia i te ta’ata e fa’a’ohipa i te tahua ‘itenati ‘ia ha’apa’o i te mau fa’anahora’a o te ture n°78-17 no ni'a i te mau rave'a roro uira, te mau pu'e parau e te mau ti’amāra’a no te 6 no tēnuare 1978 mai tei fa’atītī’aifarohia e te ōfatira’a i te reira. E ti’a iho ā rā iana ia ha’apae i te mau ha’aputura’a, te mau fa’a’ohipara’a tano ore e te mau ‘ohipa ato’a o te nehenehe e ‘ōfati i te orara’a o te ta’ata iho aore ra i te ro’o o te ta’ata.

Te mau tauira’a i roto i tā mātou ture pāruru

E nehenehe tā mātou e taui i teie ture no te pāruru i te tahi taime. Mai te mea e titauhia, e fa’aara atu mātou ia ‘outou e aore rā, e ani mātou i tā ‘outou parau fa’ati’a. Te a'o atu nei mātou ia ‘outou ‘ia hi'o tāmau noa i teie ‘api no te mau tauira’a e aore rā te mau fa’ananeara’a i tā mātou ture nō te orara’a ‘itenati.

Fa’a’āpīra’a hope’a : Me 2019